ការបន្ថែមកម្លាំងរហូតដល់ 14 សេះ ទៅលើម៉ូតូកម្លាំង 660cc ជាធម្មតាមិនមែនជារឿងងាយ​ស្រួល​នោះទេ។ ការបង្កើនកម្លាំងបែបនេះតាមរយៈការកែច្នៃ (tuning) ធម្មតាលើម៉ូតូផ្ទាល់ខ្លួន​របស់អ្នក អាចនឹងចំណាយអស់រាប់រយ ឬរាប់ពាន់ដុល្លារ ប៉ុន្តែក្រុមហ៊ុន Triumph ទើបតែ​បានសម្រេចកិច្ចការនេះនៅលើម៉ូដែល Trident 660 និង Tiger Sport 660 ឆ្នាំ 2026 របស់​ខ្លួន។

Triumph អះអាងថាកម្លាំងកំពូលគឺ 81 hp សម្រាប់កំណែឆ្នាំ 2025 នៃម៉ូតូទាំងពីរ ប៉ុន្តែសម្រាប់ឆ្នាំ 2026 តួលេខនេះកើនឡើងដល់ 95 hp ដែលគួរឱ្យចាប់អារម្មណ៍ ជាងមុនឆ្ងាយ។ តើ Triumph ធ្វើដូចម្តេចដើម្បីសម្រេចបាននូវចំណុចនេះ? ជាមូលដ្ឋាន វាបានមកពីការផ្លាស់ប្តូរគ្រឿងម៉ាស៊ីនដែលនាំឱ្យ Trident 660 និង Tiger Sport 660 មានលក្ខណៈបច្ចេកទេសជិតទៅនឹង Daytona 660 ដែលមានស្រាប់ ដោយប្តូរពីការ​ប្រើប្រាស់តួមេអំបៅតែមួយ (single throttle body) មកជាការប្រើប្រាស់ តួមេអំបៅបី (three-throttle arrangement) ដើម្បីបង្កើនលំហូរខ្យល់ឱ្យកាន់តែល្អ។ ការផ្លាស់ប្តូរមកប្រើតួមេអំបៅទំហំ 44mm ចំនួនបីនេះ ត្រូវបានភ្ជាប់មកជាមួយការកែសម្រួល ក្បាលស៊ីឡាំង (cylinder head) ជាមួយនឹងសមាមាត្របង្ហាប់កើនឡើងដល់ 12:1 ធុងចម្រោះ ខ្យល់ (airboxes) ធំជាងមុនសម្រាប់ម៉ូតូទាំងពីរ និងបំពង់ស៊ីមាំងថ្មីប្រភេទ 3 into 1។

The 2026 Tiger Sport 660 gets tweaks to the bodywork with larger radiator cowls.

កម្លាំង 95 hp @11,250rpm (ខ្ពស់ជាងម៉ូដែលចាស់ 1,000rpm) ហើយកម្លាំង បង្វិល អតិបរមាកើនឡើងពី 63 Nm ដល់ 67 Nm @ 8,250 rpm។ កម្រិតជុំម៉ាស៊ីនអតិបរមា (redline) ត្រូវបានដំឡើងដល់ 12,650 rpm ដែលខ្ពស់ជាងមុន 20%។ ប្រព័ន្ធ Quickshifter ពីរកម្រិត (ឡើង-ចុះ) ដែលបានដាក់ឱ្យប្រើប្រាស់កាលពីឆ្នាំមុននៅតែរក្សាទុក ព្រមទាំងមានរបៀបជិះ ចំនួនបី និងប្រព័ន្ធ Cornering Traction Control ដែលដំណើរការដោយ IMU ៦ អ័ក្ស ព្រមទាំងប្រព័ន្ធ Lean-sensitive ABS (ABS ប្រែប្រួលតាមការអោន) ផងដែរ។

ដូចទៅនឹងម៉ូដែលធំគឺ Trident 800 និង Tiger Sport 800 ដែរ ការប្រើប្រាស់ប្រព័ន្ធបឺត ខ្យល់ថ្មីលើម៉ូដែល 660cc ឆ្នាំ 2026 នេះ មានន័យថាពួកគេត្រូវការប្រើប្រាស់ គ្រោងឆ្អឹង (main frame) ថ្មី ដែលមានចន្លោះធំជាងមុនដើម្បីដាក់ម៉ាស៊ីនដែលបានកែសម្រួល។ ធុងសាំងលើម៉ូតូទាំងពីរក៏ត្រូវបានរចនាឱ្យធំជាងមុន ដោយយកតម្រាប់តាមម៉ូដែល 800cc  ដែលក្នុងនោះធុងសាំង Tiger Sport 660 ផ្ទុកចំណុះកើនពី 17 ដល់ 19 លីត្រ។

A new shock is fitted to the 2026 Trident 660 that adds rebound damping adjustment

ចំពោះការផ្លាស់ប្តូររូបរាងវិញ៖

·       Trident 660: ការផ្លាស់ប្តូររួមមានបន្ទះចំហៀង និងកៅអីដែលឥឡូវនេះមានពីរផ្នែក (ជំនួសឱ្យកៅអីជាប់គ្នាពីមុន)។ វាក៏មានបូមក្រោយ Showa ថ្មីដែលអាច​លៃតម្រូវ​កម្រិតឡើងចុះ (rebound damping) បន្ថែមលើការលៃតម្រូវកម្រិតភាពតឹង (preload) ដែលមានស្រាប់។

·       Tiger Sport 660: ការកែប្រែផ្នែកសោភ័ណភាពរួមមានរបាំងការពារធុងទឹក (radiator cowls) ដែលធំជាងមុនពីម៉ូដែល 800 ។

ចំណុចដែលគួរឱ្យចាប់អារម្មណ៍បំផុតនោះគឺ Triumph រក្សាការដំឡើងថ្លៃក្នុងកម្រិត ទាបបំផុត។ សម្រាប់ឆ្នាំ 2026 នេះ Trident 660 មានតម្លៃ 8,995 ដុល្លារអាមេរិក (ឡើងពី 8,595 ដុល្លារ) ខណៈដែល Tiger Sport 660 មានតម្លៃ 10,295 ដុល្លារអាមេរិក (ឡើងពី 9,820 ដុល្លារ)។ នេះមានន័យថា អ្នកទទួលបានកម្លាំងខ្លាំងជាងមុនលើសពី 17% ក្នុងតម្លៃដែលកើនឡើងមិនដល់ 5% ផង ដែលវាគឺជាការផ្តល់ជូនដ៏ចំណេញបំផុត៕