ភ្នំពេញ៖ នៅក្នុងសប្តាហ៍នេះ ក្រុមហ៊ុន Kia Cambodia បានប្រកាសដាក់បង្ហាញជាផ្លូវការ នូវរថយន្តបង្រួមតូចដ៏ពេញនិយមម៉ូដែល The New Kia Picanto S ស៊េរីឆ្នាំ 2026 ដែលបានមកដល់ជាមួយការរចនាថ្មីទាំងស្រុង និងបច្ចេកវិទ្យាទំនើបលើសពីតម្លៃ។

យោងតាមសេចក្តីប្រកាសព័ត៌មានដែលទទួលបានពីក្រុមហ៊ុន វត្តមានរបស់ Kia Picanto S ជំនាន់ថ្មីនេះ គឺជាការឆ្លើយតបយ៉ាងស័ក្តិសមបំផុតសម្រាប់តម្រូវការប្រើប្រាស់ក្នុងទីក្រុង នាពេលបច្ចុប្បន្ន ដោយរួមបញ្ចូលនូវភាពសន្សំសំចៃ សោភ័ណភាព និងសុវត្ថិភាព។

ចំណុចលេចធ្លោនៃ Kia Picanto S ស៊េរីថ្មី៖

• តម្លៃសមរម្យ និងការធានាយូរអង្វែង៖ រថយន្តម៉ូដែលថ្មីនេះត្រូវបានដាក់លក់ក្នុងតម្លៃត្រឹមតែ $15,999 (សម្រាប់ការកក់ទុកមុន) ជាមួយការធានាគុណភាពរហូតដល់ 5 ឆ្នាំ ឬ 150,000 គីឡូម៉ែត្រ ដែលផ្តល់នូវទំនុកចិត្តខ្ពស់ដល់អ្នកប្រើប្រាស់។
• រូបរាងទំនើបបែបអនាគត៖ ការរចនាផ្នែកខាងក្រៅមានការផ្លាស់ប្តូរយ៉ាងខ្លាំង ជាពិសេសប្រព័ន្ធចង្កៀងមុខ-ក្រោយប្រភេទ LED បែបខ្សែបន្ទាត់អូសកាត់ពេញផ្ទៃ (Signatory Lighting) និងយ៉ាន់កង់អាលុយមីញ៉ូមស៊េរីថ្មី ដែលធ្វើឱ្យរថយន្តមើល ទៅកាន់តែស្ព័រ និងរឹងមាំ។
• បច្ចេកវិទ្យាកម្សាន្ត និងការតភ្ជាប់៖ កាប៊ីនខាងក្នុងបំពាក់ដោយអេក្រង់កម្សាន្ត Touchscreen ទំហំ 8 អ៊ីញ ដែលអាចភ្ជាប់ជាមួយ Apple CarPlay និង Android Auto ដោយឥតខ្សែ ព្រមទាំងមានផ្ទាំងកុងទ័រឌីជីថលទំហំ 4.2 អ៊ីញ។
• សមត្ថភាពម៉ាស៊ីន និងសុវត្ថិភាព៖ រថយន្តនេះប្រើប្រាស់ម៉ាស៊ីនសាំងចំណុះ 1.0 លីត្រ ផ្តល់នូវការបើកបរដ៏រលូន និងសន្សំសំចៃខ្ពស់។ បន្ថែមពីនេះ វាក៏បានបំពាក់នូវប្រព័ន្ធ សុវត្ថិភាពឆ្លាតវៃ (ADAS) ដូចជា ប្រព័ន្ធហ្វ្រាំងអូតូជំនួយពេលមានឧបសគ្គខាងមុខ និងប្រព័ន្ធជំនួយការរក្សាគន្លងផ្លូវជាដើម។

សម្រាប់អតិថិជនដែលមានបំណងចង់ស្វែងយល់បន្ថែម ឬចង់ធ្វើការបើកបរសាកល្បង (Test Drive) អាចអញ្ជើញទៅកាន់ការិយាល័យលក់របស់ Kia Cambodia ឬទំនាក់ទំនងតាមរយៈលេខទូរស័ព្ទ៖ 095 666 019។