​​​​​​​​        ភ្នំពេញ៖ ក្រុមហ៊ុន Isuzu Cambodia បានធ្វើការបង្ហាញជាផ្លូវការនូវវត្តមានរថយន្តភីកអាប់ (Pickup) ដ៏រឹងមាំរបស់ខ្លួនគឺម៉ូដែល Isuzu D-MAX V-CROSS ស៊េរីឆ្នាំ 2026 ដែលត្រូវបានអភិវឌ្ឍឱ្យកាន់តែមានភាពវៃឆ្លាត និងផ្តល់នូវបទពិសោធន៍បើកបរដ៏អស្ចារ្យ។

ការផ្លាស់ប្តូរដ៏សំខាន់សម្រាប់ស៊េរីថ្មីនេះ គឺការផ្តោតទៅលើភាពងាយស្រួល និងសុវត្ថិភាពខ្ពស់បំផុតសម្រាប់អ្នកបើកបរ៖

1. បច្ចេកវិទ្យាចង្កូតអេឡិចត្រូនិចថ្មី (EPS)

រថយន្ត Isuzu D-MAX V-CROSS ២០២៦ ត្រូវបានបំពាក់ដោយប្រព័ន្ធចង្កូតអេឡិចត្រូនិច EPS (Electronic Power Steering) ជំនាន់ថ្មី ដែលជួយឱ្យការបញ្ជាចង្កូតកាន់តែមានភាពងាយស្រួល បត់បែនបានរហ័ស និងកាត់បន្ថយការហត់នឿយរបស់អ្នកបើកបរក្នុងគ្រប់ស្ថានភាពផ្លូវ។

2. ប្រព័ន្ធសុវត្ថិភាពឆ្លាតវៃ ADAS ជំនាន់ថ្មី

បន្ថែមពីលើភាពរឹងមាំ Isuzu បានបញ្ចូលនូវបច្ចេកវិទ្យាជំនួយការបើកបរឆ្លាតវៃ (Advanced Driver Assistance Systems) ជាច្រើនរួមមាន៖

• LKAS (Lane Keep Assist System): ប្រព័ន្ធជួយគ្រប់គ្រងរថយន្តឱ្យស្ថិត នៅក្នុងគន្លង ផ្លូវបានយ៉ាងល្អ។
• TJA (Traffic Jam Assist): ប្រព័ន្ធជំនួយការបើកបរ និងគ្រប់គ្រងចង្កូតដោយ ស្វ័យប្រវត្តិតាមរថយន្តខាងមុខ ក្នុងអំឡុងពេលចរាចរណ៍កកស្ទះ។
• ELK (Emergency Lane Keeping): ប្រព័ន្ធជួយរក្សារថយន្តនៅក្នុងគន្លងរបស់ខ្លួន នៅពេលមានហានិភ័យនៃករណីប៉ះទង្គិច។
• LDW & LDP (Lane Departure Warning & Prevention): ប្រព័ន្ធផ្តល់ដំណឹង និងទប់ស្កាត់នៅពេលរថយន្តរេចាកចេញពីគន្លងផ្លូវដោយអចេតនា។

3. សមត្ថភាព Off-Road និងរូបរាង

Isuzu D-MAX V-CROSS នៅតែរក្សាបាននូវអត្តសញ្ញាណរថយន្តភីកអាប់ដ៏រឹងមាំបំផុត ដែលអាចជំនះបានរាល់ឧបសគ្គផ្លូវលំបាកៗ។ រូបរាងខាងមុខត្រូវបានរចនាឡើងយ៉ាង អង់អាច ជាមួយប៉ាណាខ្មៅរលោង និងចង្កៀងមុខ LED បែបទំនើប ដែលស័ក្តិសមបំផុត សម្រាប់ទាំងការប្រើប្រាស់ប្រចាំថ្ងៃ និងការធ្វើដំណើរផ្សងព្រេង។ តាមរយៈការនាំយកនូវ បច្ចេកវិទ្យាចង្កូត EPS និងប្រព័ន្ធសុវត្ថិភាព ADAS ថ្មីនេះ Isuzu បន្តបង្ហាញពីឧត្តមភាព របស់ខ្លួនក្នុងនាមជារថយន្តដែលផ្តល់នូវ "ភាពធន់ និងបច្ចេកវិទ្យាទំនើប" សម្រាប់អតិថិជន នៅក្នុងប្រទេសកម្ពុជា៕