ម៉ូដែល BMW R1300 GS ត្រូវបានពង្រឹងសមត្ថភាពបន្ថែមទៀត តាមរយៈការមកដល់នៃ​ឈុតកាបូបទន់ "Plug and Travel" ដំបូងបង្អស់លើពិភពលោក ពីអ្នកឯកទេសគ្រឿងបន្លាស់​ផ្សងព្រេង Touratech។

ក្នុងនាមជាម៉ូតូមួយក្នុងចំណោមម៉ូតូដែលលក់ដាច់បំផុតនៅក្នុងចក្រភពអង់គ្លេស និងអឺរ៉ុប សមត្ថភាពធ្វើដំណើរផ្លូវឆ្ងាយរបស់ R1300 GS ឥឡូវនេះអាចនឹងកាន់តែទាក់ទាញខ្លាំង​​សម្រាប់អតិថិជនចំពោះប្រព័ន្ធថ្មីនេះ។ ឧបករណ៍ភ្ជាប់ (adapter) ដែលមិនបាច់ប្រើឧបករណ៍​ដំឡើងរបស់ Touratech មានន័យថា កាបូបទន់អាចត្រូវបានដំឡើងដោយផ្ទាល់ទៅលើ​ដែកទ្រ BMW Vario របស់ R1300 GS ដែលផ្តល់ឱ្យអ្នកជិះនូវជម្រើសរវាងការប្រើប្រាស់​កាបូបរឹង (Hard luggage) ឬកាបូបទន់ (Soft luggage)។

Touratech luggage on a BMW R1300 GS

ក្រុមហ៊ុនផលិតកាបូបនេះមានមូលដ្ឋាននៅទីក្រុង Niedereschach ប្រទេសអាល្លឺម៉ង់ ក្រុមហ៊ុន Touratech អះអាងថាខ្លួនគឺជា "ក្រុមហ៊ុនផលិតដំបូងគេលើពិភពលោកដែល​បង្ហាញនូវប្រព័ន្ធកាបូបទន់​កម្រិតអាជីព ដែលអាចប្រើប្រាស់បានពេញលេញជាមួយដែក​ទ្រកាបូប BMW Vario ដើមរបស់ម៉ូដែល R1300 GS ថ្មី"។​ ឧបករណ៍ភ្ជាប់នេះត្រូវបាន​ផលិតឡើងពីសសៃផ្លាស្ទិក​ fibre (fibre-reinforced plastic) ជាមួយនឹងបន្ទះអាលុយមីញ៉ូម​នៅផ្នែកខាងក្រោយ និងឈុតសោរត្រូវបាន​បំពាក់​មកជាស្តង់ដារផងដែរ។

នៅក្នុងការប្រកាសជាដំណឹង Touratech បានអោយដឹងថា ប្រព័ន្ធនេះផ្តល់នូវ "ជម្រើសកាបូបដែលសមស្របទៅតាមការប្រើប្រាស់ គោលដៅក្នុងការធ្វើដំណើរ និងតម្រូវការផ្ទាល់ខ្លួន។ ក្នុងការធ្វើដំណើរប្រចាំថ្ងៃនៅក្នុងទីក្រុង រហូតដល់ការធ្វើដំណើរ​ផ្សងព្រេង​សម្រាប់អ្នកស្រឡាញ់ចូលចិត្តម៉ូដែល GS ឥឡូវនេះវាបានផ្តល់ លទ្ធភាពប្រើប្រាស់​នូវ​ដំណោះស្រាយដឹកជញ្ជូនដ៏សម្បូរបែបដែលមិនធ្លាប់មានពីមុនមក"។

Touratech soft luggage

ប្រសិនបើអ្នកមិនសូវស្គាល់ Touratech ទេ វាគឺជាក្រុមហ៊ុនដែលជំនាញផលិតលើឧបករណ៍ និងគ្រឿងបន្លាស់ម៉ូតូបែបផ្សងព្រេង (Adventure)។ ក្រុ​មហ៊ុននេះបានផ្គត់ផ្គង់គ្រឿងបន្លាស់ជា​ច្រើន​សម្រាប់ម៉ូដែលផ្សេងៗទៀត រួមទាំងម៉ូតូ BMW ម៉ូដែលផ្សេងទៀតដូចជា F900 R ជាដើម។ ប្រព័ន្ធកាបូបទន់ Touratech Plug & Travel មានបីជម្រើសគឺ៖ Endurance, Travel, ឬ Extreme Edition។

• កាបូប Endurance: តម្លៃ 876 ដុល្លាអាមេរិក
• កញ្ចប់ Travel: តម្លៃ 1,226 ដុល្លាអាមេរិក
• Extreme Edition (ថ្លៃបំផុត): តម្លៃ 1,343 ដុល្លាអាមេរិក៕